Yashwant Deshpande's Drama - "All the Best"

ಲೇಖಕರು:   ರಜನಿ

ಬರಹಕ್ಕೆ:    ಜಗನ್ನಾಥ

ಅಂದು ಒಂದ್ಸಂಜೆ ನನ್ನ ಮಗ ಆಫೀಸ್ನಿಂದ ಬಂದಾಗ ಬಹಳ ಉತ್ಸಾಹದಲ್ಲಿದ್ದಂತೆ ಕಂಡ. ಏನೋ! ಈವತ್ತು ಇಷ್ಟೊಂದು ಖುಷಿ ಕಾಣಿಸ್ತಿದೆ, ನಿನ್ನ ಮುಖದಲ್ಲೀಂದೆ. ಅವನ ಮುಖ ಮತ್ತಷ್ಟು ಬೆಳಗ್ತು.

ಅಮ್ಮಾ, ನಾಳೆಯಿಂದ ನಾಲ್ಕು ದಿನ ರಜಾ ಮಜಾಂದ. ಓಹೋ! ಇದಾ ನಿನ್ನ ಉತ್ಸಾಹಕ್ಕೆ ಕಾರ್ಣ ಎಂದೆ. ಅದಕ್ಕವನು ನಿನಗೆ ಅಲ್ ದಿ ಬೆಸ್ಟ್ ಅಂದಾಗ ನನಗೆ ಅಚ್ಚರಿ - ನಾನೇನು ಪರೀಕ್ಷೆಗೆ ಹೋಗ್ತಿದ್ದೀನಾ ಎಂದೆ ಅರ್ಥವಾಗದೆ.

ಅಯ್ಯೋ ಅಮ್ಮಾ ಆಲ್ ದಿ ಬೆಸ್ಟ್ ನಾಟಕದ ಪ್ರದರ್ಶನ ನಡೀತಾ ಇದೆ ರವೀಂದ್ರ ಕಲಾಕ್ಷೆತ್ರದಲ್ಲಿ, ಅದಕ್ಕೆ ನಿನ್ನನ್ನ ಕರ್ಕಂಡುಹೋಗ್ತೀನಿ ಅಂದಾಗ ನಿಜವಾಗ್ಲೂ ಸಂತೋಷ ಆಯ್ತು. ನಾಟ್ಕ ನೋಡಿ ಬಹಳ ದಿವ್ಸ ಆಗಿದೆ, ನಡೀ ಈವತ್ತೇ ಸಂಜೆ ಹೋಗೋಣಾಂದೆ. ನನಗೆ ರವೀಂದ್ರ ಕಲಾಕ್ಷೇತ್ರವನ್ನೂ ನೋಡೋ ಹಂಬ್ಲನೂ ಇತ್ತಲ್ವೆ?

ನಾನು, ಮಗ, ಮಗಳು, ಮೊಮ್ಮಗಳು ಎಲ್ಲರೂ ಸಂಜೆ ರ. ಕಲಾಮಂದ್ರಕ್ಕೆ ಸಂಜೆ ೬=೦೦ ಘಂಟೆ ಷೋಗೆ ಹೋದ್ವು.ಉಚಿತ ಪ್ರವೇಶ ಅಲ್ವೆ. ನಮ್ಮ ಮನೇಯಿಂದ ಅಲ್ಲಿಗೆ ಹೋಗಿ ಬರೋಕೆ ಸ್ವಲ್ಪ ಮಾತ್ರ ಖರ್ಚು ಅಲ್ವೇ.

ಕೇಂದ್ರ ಸಾಹಿತ್ಯ ಅಕಾಡಮಿ ಸಂಸ್ಥೆಯವರು ಉಚಿತ ನಾಟಕ ಪ್ರದರ್ಶನ ಆಯೋಜಿಸಿದ್ರು. ಸಿನಿಮಾ ಧಾರವಾಹಿಗಳಲ್ಲಿ ನಟಿಸುವ ಬಿ.ವಿ.ರಾಜಾರಾಂ ನಾಟಕದ ರೂವಾರಿಯಾಗಿದ್ದು ಎಲ್ವೂ ಅಚ್ಕಟ್ಟಾಗಿತ್ತು. ಮೂಲ ಮರಾಠೀ ನಾಟಕಾನ ಕನ್ನಡಿಕರಿಸಿ ನಿರ್ದೇಶನ ಮಾಡ್ದ್ದವ್ರು ಯಶವಂತ ದೇಶಪಾಂಡೆ. ಅವರ ನಿರ್ದೇಶನದಲ್ಲಿ ನಾಟ್ಕ ೬೦೦ ಕ್ಕೂ ಹೆಚ್ಚು ಪ್ರದರ್ಶನ ಕಂಡಿದೆ ಅಂದ್ರೆ ನಿಜಕ್ಕೂ ಹೆಮ್ಮೆ ವಿಚಾರ ಅಲ್ವೆ.

ಒಬ್ಬ ಕಿವ್ಡ, ಒಬ್ಬ ಮೂಗ, ಒಬ್ಬ ಕುರ್ಡ ಒಂದೇ ಸೂರಿನಡೀಲಿ ವಾಸಿಸ್ತಾ ಇರ್ತಾರೆ. ಮೂರೂ ಜನ ಬಹಳ ಬುದ್ಧಿವಂತ್ರು, ಪ್ರತಿಭಾವಂತ್ರು. ಆದರೆ ಅವ್ರೆಲ್ಲಾ ತಮ್ಮ ತಮ್ಮ ಅಂಗವಿಕಲತೆಯನ್ನೇ ನೆನೀತಾ ಮಾನಸಿಕವಾಗಿ ದುರ್ಬಲರಾಗ್ತಾರೆ. ಅಕಸ್ಮಾತ್ತಾಗಿ ಕುರುಡನಿಗೆ ಒಬ್ಳು ಆದರ್ಶ ಹುಡ್ಗಿಯ ಭೇಟಿ ಆಗ್ತದೆ. ಮನೆಗೆ ಬಂದು ಮೂವರನ್ನೂ ಭೇಟಿ ಆಗ್ತಾಳೆ. ಅವರ ಪ್ರತಿಭೆ ಗುರ್ತ್ಸಿ ಅವರ ಕೀಳರಿಮೆ ತೆಗೆದು ಜೀವನ್ದಲ್ಲಿ ಮುಂದೆ ಬರ್ಲು ಪ್ರೋತ್ಸಾಹಿಸ್ತಾಳೆ. ಅವರೋ ತಮ್ತಮ್ಮ ಮನಸ್ನಲ್ಲಿ ಅವ್ಳು ತನ್ನನ್ನೇ ಪ್ರೀತಿಸ್ತಿದ್ದಾಳೆ ಅಂಥ ಭಾವಿಸ್ತಾ ಅವಳು ಬಂದಾಗ್ಲೆಲ್ಲಾ ವಿಪರೀತ ಸಂಭ್ರಮ ತೋರಿಸ್ತಾ ತಮ್ಮ ಅಂಗದೋಷ ಮರಿಸ್ತಾ ಅವಳ ಒಲುವನ್ನ ಗಳಿಸೋ ತರಾತುರೀಲಿ ಅವರು ಮಾಡೋ ಅಂಗಚೇಷ್ಟೆ, ನಡೆ, ನುಡಿಗಳು ಅದೆಷ್ಟು ಹಾಸ್ಯಮಯವಾಗಿತ್ತೂಂದ್ರೆ ನಮಗೆ ನಕ್ಕೂ ನಕ್ಕೂ ಹೊಟ್ಟೆ ಹಿಡ್ಕೋಂಡ್ಬಿಡ್ತು. ಇಡೀ ರಂಗಮಂದ್ರ ನಗೆಗಡ್ಲಲ್ಲಿ ಮುಳುಗಿತ್ತು. ಉತ್ತರ ಕರ್ನಾಟಕದ ಕನ್ನಡ ಭಾಷೆ ವೈಖರಿಯೇ ಆ ನಾಟ್ಕದ ಜೀವಾಳ. ಅವರಾಡೋ ಭಾಷೆ ಸೊಗಡು ಅವರು ಮಾಡ್ತಿದ್ದ ಅಂಗಚೇಷ್ಟೆಗೆ ಸರಿಯಾಗಿ ಹೊಂದುತ್ತಿತ್ತಾದ್ರಿಂದ  ನಾಟ್ಕ ವಿಜೃಂಭಿಸಲು ಸಹಾಯಕವಾಗ್ತಿದೆ ಅನ್ನಿಸ್ತು.

ಅಂತ್ಯದಲ್ಲಿ ಆ ಮೂವರೂ ನಾಯ್ಕಿಯ ಬಳೀಲಿ ತಮ್ಮ ಒಲುವನ್ನ ಹೇಳ್ಕೊಲ್ತಾರೆ. ಆಗ ಆ ನಾಯ್ಕಿ ಅವರ್ನ ನಿರಾಶೆಗೊಳಿಸೋದಕ್ಕೆ  ಕ್ಷಮೆ ಕೇಳ್ತಾ ತಾನು ಎರಡೂ ಕಾಲ್ಗಳಿಲ್ಲದ ಒಬ್ಬನನ್ನ ಮದುವೆ ಆಗ್ತಿರೋದಾಗಿ ತಿಳಿಸ್ತಾಳೆ. ಅವರನ್ನ ಸ್ನೇಹಿತರಾಗಿ ಭಾವಿಸಿ ಅವರ ಪ್ರತಿಭೆ ಗುರ್ತ್ಸಿ ಸಮಾಜ್ದಲ್ಲಿ ಮುಂದೆ ಬರೋಕೆ ಪ್ರೋತ್ಸ್ಶಿಸೋದೇ ತನ್ನ ಉದ್ದೇಶ ಆಗಿತ್ತು ಅಂಥ ತಿಳಿಸ್ತಾಳೆ. ಅಂಗ ದೋಷ ಏನೇ ಇದ್ರೂ ಅದನ್ನೇ ದೊಡ್ದು ಮಾಡ್ಕೊಂಡು ಕೀಳರಿಮೆಯಿಂದ ಬಳಲೋದು ಬಿಟ್ಟು ಇರೋ ಪ್ರತಿಭೆ ಗುರಿತಿಸ್ಕೊಂಡು ಸಾಧನೆ ಹಾದೀಲಿ ಸಾಗಬೇಕು ಅನ್ನೋದನ್ನ ನಮ್ಗೂ (ಸಮಾಜಕ್ಕೂ) ಸಾರ್ತಾಳೆ. ಒಂದು ಸುಂದರ ಸಂದೇಶನ ಹಾಸ್ಯದ ಔತಣದಲ್ಲೇ ಉಣಬಡಿಸಿದೋರು ಯಶವಂತ ದೇಶಪಾಂಡೆ. ಕುರುಡನ ಪಾತ್ರಧಾರಿ, ಕಿವುಡನ ಪಾತ್ರಧಾರಿ (ಸ್ವತಃ ಯಶವಂತ ದೇಶಪಾಂಡೆ) ಹಾಗೂ ಮೂಕನ ಪಾತ್ರಧಾರಿಗಳು ನಾಟ್ಕಕ್ಕೆ ಜೀವ ತುಂಬಿದ್ರು.

ನಾಯಕಿಯ ಪಾತ್ರದಲ್ಲಿ ಸಿನಿಮಾಗಳಲ್ಲಿ ನಟಿಸೋ ಕಲಾವಿದೆ ಮಾಲತಿ ದೇಶಪಾಂಡೆ ಸೊಗಸಾಗಿ ನಿರಾಯಾಸವಾಗಿ ನಟಿಸಿದ್ರು. ನಾಟ್ಕ ನೋಡಿ ನಿಜ ಅರ್ಥದಲ್ಲಿ ಆನಂದಿಸಿ ಮನೆ ಕಡೆ ಹೆಜ್ಜೆ ಹಾಕ್ದಾಗ ಮನಸ್ಸು ಹೂನಂತೆ ಅರಳಿತ್ತು.

Photo courtesy : http://naatakapaataka.wordpress.com/

ಒಂದು ಸಂಜೆಯ ಸವಿ

ಒಂದು ಸಂಜೆಯ ಸವಿ

ಅಂದು ಸಂಜೆ ನನ್ನ ಮಗ ಆಫೀಸಿನಿಂದ ಬಂದಾಗ ಬಹಳ ಉತ್ಸಾಹದಲ್ಲಿದ್ದಂತೆ ಕಂಡ. ಏನೋ! ಈವತ್ತು ಇಷ್ಟೊಂದು ಖುಷಿ ಕಾಣಿಸ್ತಿದೆ ನಿನ್ನ ಮುಖದಲ್ಲೀಂದೆ. ಅಮ್ಮಾ, ನಾಳೆಯಿಂದ ನಾಲ್ಕು ದಿನ 'ರಜಾದ ಮಜಾ' ಅಂದ. ಓಹೋ! ಇದಾ ನಿನ್ನ ಉತ್ಸಾಹಕ್ಕೆ ಕಾರಣ ಎಂದಾಗ ಅದಕ್ಕವನು, ನಿನಗೆ 'All The Best' ಅಂದ. ನನಗೆ ಅಚ್ಚರಿ - ನಾನೇನು ಪರೀಕ್ಷೆಗೆ ಕಟಿದ್ದೀನಾ? ಅಂದೆ, ಅರ್ಥವಗದೆ.

ಅಯ್ಯೋ ಅಮ್ಮ 'All The Best' ನಾಟಕ ಪ್ರದರ್ಶನವಾಗ್ತಾ ಇದೆ ರವೀಂದ್ರ ಕಲಾಷೇತ್ರದಲ್ಲಿ. ಅದಕ್ಕೆ ನಿನ್ನನ್ನು ಕರೆಸುಕೊಂಡುಹೋಗೋಣಾಂತ ಅಂದಾಗ ನನಗೆ ನಿಜವಾಗಲೂ ಬಹಳ ಸಂತಸವಾಯಿತು. ನಾಟಕ ನೋಡಿ ಬಹಳ ದಿನ ಆಗಿದೆ, ನಡಿ ಈವತ್ತೇ ಸಂಜೆ ಹೋಗೋಣಾಂದೆ. ನನಗೆ ಕಲಾಕ್ಷೇತ್ರವನ್ನೂ ನೋಡುವ ಹಂಬಲವೂ ಇತ್ತೂ ಅನ್ನಿ. ಸಂಜೆ ೬ ರ ಪ್ರಸರ್ಶನಕ್ಕೆ ನಾನು ಮಗ ಮಗಳು ಮೊಮ್ಮಗಳು ಎಲ್ಲರೂ ಹೋದೆವು. ಪ್ರವೇಶ ಉಚಿತ. ಅದೂ ಒಂದು ಸಂತಸದ ವಿಷಯ. ನಮ್ಮ ನಮ್ಮ ಸ್ಥಳಗಳಿಂದ ರವೀಂದ್ರಕಲಾಕ್ಷೇತ್ರಕ್ಕೆ ಹೋಗಿಬರುವ ಖರ್ಚಷ್ಟೇ. ಕೇಂದ್ರೀಯ ನಾಟಕ ಅಕಾಡಮಿ ಸಂಸ್ಥೆಯವರು ನಾಟಕ ಪ್ರದರ್ಶನವನ್ನು ಉಚಿತವಾಗಿ ಆಯೋಜಿಸಿದ್ದರು.

ಢಾರಾವಾಹಿ, ಸಿನಿಮಾ ಗಳಲ್ಲಿ ನಟಿಸುವ ಕಲಾವಿದ್ ಬಿ.ವಿ.ರಾಜಾರಂ ರವರು ಅಲ್ಲಿನ ವ್ಯವಸ್ಥೆಯ ರೂವಾರಿಯಾಗಿದ್ದರು. ಅಚ್ಚುಕಟ್ಟಾಗಿ ಮಾಡಿದ್ದರು.

ಮೂಲ ಮರಾಠಿ ನಾಟಕವನ್ನು ಕನ್ನಡೀಕರಿಸಿ ಷ್ರೀ ಯಶವಂತ ದೇಶಪಾಂಡೆ ನಿರ್ದೇಶನ ಮಾಡಿದ್ದರು. ಅವರ ನಿರ್ದೇಶನದಲ್ಲಿ ನಾಟಕ ೬೦೦ ಕ್ಕೂ ಹೆಚ್ಚು ಪ್ರದರ್ಶನ ಕಂಡಿದೆ ಎನ್ನುವುದೇ ಹೆಮ್ಮೆಯ ವಿಚಾರ.

ಒಬ್ಬ ಕಿವುಡ, ಒಬ್ಬ ಕುರುಡ ಹಾಗೂ ಒಬ್ಬ ಮೂಕ ಒಂದೇ ಸೂರಿನಡಿಯಲ್ಲಿ ವಾಸಿಸುತ್ತಿರುತ್ತಾರೆ. ಮೂವರೂ ಬಹಳ ಬುದ್ಧಿವಂತರು, ಪ್ರತಿಭಾವಂತರು. ಆದರೆ ಅವರ ಅಂಗವಿಕಲತೆಯನ್ನು ನಿನೆಯುತ್ತಾ ಮಾನಸಿಕವಾಗಿ ದುರ್ಬಲರಾಗಿರುತ್ತಾರೆ. ಅಕಸ್ಮಾತ್ತಾಗಿ ಕುರುಡನಿಗೆ ಒಬ್ಬಳು ಆದರ್ಶ ಹುಡುಗಿಯ ಭೇಟಿಯಾಗುತ್ತದೆ.ಅವಳಾದರೊ ಮೂವರನ್ನೂ ಭ್ಟಿಯಾಗಲು ಮನೆಗೆ ಬರುತ್ತಾಳೆ. ಅವರಲ್ಲಿನ ನಿಜ ಪ್ರತಿಭೆಯನ್ನು ಗುರುತಿಸಿ, ಅವರಲ್ಲಿನ ಕೀಳರಿಮೆಯನ್ನು ಹೋಗಲಾಡಿಸಿ ಜೀವನದಲ್ಲಿ ಮುಂದೆ ಬರಲು ಪ್ರೋತ್ಸಾಹಿಸುತ್ತಾಳೆ. ಮೂವರೂ ಮನದೊಳಗೆ ಅವಳು ತನ್ನನ್ನೇ ಪ್ರೀತಿಸುತ್ತಾಳೆ ಎಂದು ಕಲ್ಪಿಸಿಕೊಂಡು ಅವಳು ಬಂದಾಗ ವಿಪರೀತ ಸಂಭ್ರಮ ತೋರಿಸುತ್ತಾರೆ. ತಮ್ಮ ತಮ್ಮ ಅಂಗದೋಷವನ್ನು ಮುಚ್ಚಿರಿಸಿ ಅವಳ ಒಲವನ್ನು ಗಳಿಸುವ ಯತ್ನದಲ್ಲಿ ಅವರು ಮಾಡುವ ಅಂಗಚೇಷ್ಟೆ, ನಡೆ ನುಡಿಗಳು ಅದೆಷ್ಟು ಹಾಸ್ಯಮಯವಾಗಿತ್ತೂಂದ್ರೆ ನಕ್ಕು ನಕ್ಕು ನಮಗೆ ಹೊಟ್ಟೆ ಹಿಡಿದುಕೊಂಡುಬಿಡುತ್ತದೆ. ಇಡೀ ರಂಗಮಂದಿರ ನಗೆಗಡಲಲ್ಲಿ ಮುಳುಗಿತ್ತು. ಉತ್ತರ ಕನ್ನಡ ಭಾಷಾ ವೈಖರಿಯೇ ಆ ನಾಟಕದ ಜೀವಾಳ ಎನಿಸಿತು. ಆ ಭಾಷೆಯಾ ಸೊಗಡು, ಕಲಾವಿಧರ ಅಂಗವಿನ್ಯಾಸಕ್ಕೆ ಸರಿಯಾಗಿ ಹೊಂದುತ್ತಿದ್ದಾದ್ದರಿಂದ ನಾಟಕ ಬಹಳವಾಗಿ ವಿಜೃಂಭಿಸಲು ಸಹಕಾರಿಯಾಗಿತ್ತು.

ನಾಟಕದ ಅಂತ್ಯಭಾಗದಲ್ಲಿ ಆ ಮೂವರೂ ಅಂಗವಿಕಲರು ನಾಯಕಿಯ ಬಳಿ ತಮ್ಮ ತಮ್ಮ ಒಲವನ್ನು ಅರುಹುತ್ತಾರೆ. ಆಗ ನಾಯಕಿ ಅವರನ್ನು ನಿರಾಸೆಗೊಳಿಸುವುದಕ್ಕೆ ಕ್ಷಮೆ ಕೇಳಿ ತಾನು ಎರಡೂ ಕಾಲಿಲ್ಲದ ಹುಡುಗನನ್ನು ಮದುವೆಯಾಗುತ್ತಿರುವುದಾಗಿ ತಿಳಿಸುತ್ತಾಳೆ. ಅವರನ್ನು ಮಿತ್ರರೆಂದು ಭಾವಿಸಿ ಅವರ ಪ್ರತಿಭೆ ಗುರುತಿಸಿ ಸಮಾಜದಲ್ಲಿ ಮುಂದೆ ಬರಲು ಪ್ರೋತ್ಸಾಹಿಸುವುದೇ ತನ್ನ ಉದ್ಧೇಶವಾಗಿತ್ತು ಎಂದು ತಿಳಿಸುತ್ತಾಳೆ. ಅಂಗದೋಷವಿದ್ದರೂ ಅದನ್ನೇ ದೊಡ್ಡದಾಗಿಸಿಕೊಂಡು ಕೀಳರಿಮೆಯಿಂದ ಬಳಲುವುದನ್ನು ಬಿಟ್ಟು ಇರುವ ಪ್ರತಿಭೆಯನ್ನು ಕಂಡುಕೊಂಡು ಸಾಧನೆಯ ಹಾದಿಯಲ್ಲಿ ಸಾಗಬೇಕೆಂಬುದನ್ನು ಅವರಿಗೆ ಹಾಗೂ ಸಮಾಜಕ್ಕೆ(ನಮಗೆ) ಸಾರುತ್ತಾಳೆ. ಒಂದು ಸಾಮಾಜಿಕ ಸನ್ನಿವೇಶವನ್ನು ಹಾಸ್ಯದ ಔತಣದಲ್ಲೇ ಉಣಬಡಿಸಿದ್ದವರು ಯಶವಂತ ದೇಶಪಾಂಡೆ. ಕುರುಡನ ಪಾತ್ರಧಾರಿ, ಕಿವುಡಾನ ಪಾತ್ರಧಾರಿ (ಸ್ವತಃ ಯಶವಂತ್), ಹಾಗೂ ಮ್ಮೂಕನ ಪಾತ್ರಧಾರಿಗಳು ನಾಟಕದ ಪಾತ್ರಗಳಿಗೆ ಜೀವತುಂಬಿದ್ದರು.

ನಾಯಕಿಯ ಪಾತ್ರದಲ್ಲಿ ಧಾರವಾಹಿ ಸಿನಿಮಾಗಳಲ್ಲಿ ನಟಿಸಿರುವ ಕಲಾವಿಧೆ ಮಾಲತಿ ದೇಶಪಾಂಡೆ ಬಹಳ ಸೊಗಸಾಗಿ ಅಭಿನಯಿಸಿದ್ದರು. ನಾಟಕವನ್ನು ನೋಡಿ ನಿಜಾರ್ಥದಲ್ಲಿ ಆನಂದಿಸಿ ಮನೆಯ ಕಡೆ ಹೆಜ್ಜೆ ಹಾಕಿದಾಗ ಮನಸ್ಸು ಹೂವಿನಂತೆ ಅರಳಿತ್ತು.

ನಿಮ್ಮ ರಜನಿ

(ಬರಹಕ್ಕೆ ವಸಿಷ್ಠ)

777-73_shanti_nivasa

ಒಂದು ವಾರದ ಹಿಂದೆ ಅವಿರತ ಗ್ರೂಪಿಂದ ಒಂದು ಮೈಲ್ ಬಂದಿತು. ೭-೭-೭ನೇ ತಾರಿಖು PVR ನಲ್ಲಿ ರಾತ್ರಿ ೯:೨೦ಕ್ಕೆ ಸುದೀಪ್ ಅಭಿನಯಿಸಿದ #೭೩ ಶಾಂತಿ ನಿವಾಸ ಸಿನಿಮಾ ಪ್ರದರ್ಶಿಸಲಾಗುವುದೆಂದು.ಅದು ರೋಟರಿ ಕ್ಲಬ್ ಸಹಕಾರದೊಂದಿಗೆ ಅಂಥ.ಸರಿ ನನಗೆ ಹಾಗು ನನ್ನ ಅಕ್ಕಳಿಗೆ ಎರಡು ಟಿಕೆಟ್ (೩೦೦ /- ಒಂದಕ್ಕೆ , ಯಾಕೆ?) ಖರಿದಿಸಿದೆ.
೭-೭-೭ ಬಂದೇ ಬಿಟ್ಟಿತು.ರಾತ್ರಿ ೭:೩೦ ಆಗಿತ್ತು.ನನ್ನ ಅಕ್ಕಳ ಮಗಳನ್ನು ಅಜ್ಜಿ ಮನೆಗೆ ಬಿಟ್ಟು ಇನ್ನೇನು ಹೊರಡಬೇಕು ಆಗ scooty ಯ ಹಿಂದಿನ ಚಕ್ರ ಪಂಚರ್ !!! ಸರಿ ಸರ್ವಿಸ್ ಸ್ಟೆಶನ್ ಗೆ ಹೊದ್ವಿ.ಮನೆ ಹತ್ತಿರಾನೆ ಇದ್ದುದರಿಂದ ತಳ್ಳಿಕೊಂಡೆ ಹೊದ್ವಿ.ಅವನೊ ಶಟರ್ ಹಾಕುತಿದ್ದ.ನಮ್ಮ ಅದೃಷ್ಟ ಅವನು ಗೊತಿದ್ದ ಕಾರಣ ರಿಪೇರಿ ಮಾಡಿದ.ಮನೆ ಇರೊದು ಆರ್.ಪಿ.ಸಿ ಲೇ ಔಟ್ ಅಲ್ಲಿ.ಇಲ್ಲಿಂದ PVRಗೆ ಹೊಗುವ ಹೊತ್ತಿಗೆ ೯:೩೦.ನಮ್ಮ ದುರಾದೃಷ್ಟಕ್ಕೆ ಅವತ್ತೆ ಎಲ್ಲಾ ಟ್ರಾಫಿಕ್ ಸಿಗ್ನಲ್ಸ್‌ಗೆ ಸಿಕ್ಕಿಹಾಕಿಕೊಂಡೆವು.ಆದರು ನಮ್ಮ ಅದೃಷ್ಟ ಸಿನಿಮಾ ಶುರುವಾಗಿರಲಿಲ್ಲ,ಕಾರಣ ಸುದೀಪ್ ಬಂದಿರಲಿಲ್ಲ !!
ಆಶ್ಚರ್ಯ ಮಾ.ಹಿರಣಯ್ಯಾ, ಸುದೀಪ್,ಚಿತ್ರಶ್ರಿ,ಅನು ಪ್ರಭಾಕರ್,ವಿನಾಯಕ ಜೂಶಿ ಎಲ್ಲಾ ಬಂದಿದ್ದರು.ಸರಿ ಅವರನ್ನು ಜನರ ಗುಂಪಿನೊಂದಿಗೆ ಮಾತನಾಡಿಸಿ, ಅವರ ಆಟೊಗ್ರಾಫ್ ತೆಗೆದುಕೊಂಡು ತಿಯೆಟರ್ ಒಳಗೆ ಹೊದೆವು.
ನಾವು ಕೂತಿದ್ದು ೭ನೇ ಸಾಲಿನಲ್ಲಿ, ೭ ಹಾಗು ೮ನೇ ಸೀಟ್‌ಗಳಲ್ಲಿ.ಎಂಥಾ ಆಕಸ್ಮಿಕ!! ಸಿನಿಮಾ ಶುರುವಾಗುವುದಕ್ಕು ಮುಂಚೆ ಬಂದಿದ್ದ ನಟ,ನಟಿಯರ ಹಾಗು ರೊಟರಿ ಕ್ಲಬ್ ಮುಖ್ಯ ರೊವಾರಿಗಳ ಪರಿಚಯವಾಯಿತು.ಆಗ ತಿಳಿಯಿತು ದುಬಾರಿ ಟಿಕೆಟ್ ಬೆಲೆಯ ಉದ್ದೇಶ.
ಈ ಸಹಾಯಾರ್ತ ಬಂದ ಹಣವನ್ನು ೨ ಮುಖ್ಯ ಕೆಳಸಗಲಿಗೆ ಉಪಯೊಗಿಸಲಾಗುವುದು:
೧. ಶ್ರೀ ಕ್ರಿಷ್ನ ಸೇವಾಶ್ರಮ ಆಸ್ಪತ್ರೆ - ಜೆ.ಪಿ.ನಗರ ಬೆಂಗಳೂರಿಗೆ ನೀಡಲಾಗುವುದು. ಅವರು ಈ ಹಣವನ್ನು ಪ್ರತಿ ದಿನ ಒಬ್ಬ ಆರ್ಥಿಕವಾಗಿ ಹಿಂದುಳಿದ ರೊಗಿಗೆ ಉಚಿತವಾಗಿ DIALYSIS ಮಾಡಲು ಉಪಯೊಗಿಸುತ್ತಾರೆ.
೨. ಚಾಮರಾಜ ನಗರದ ಯಲಂದೂರಿನ ಬಲಿ ರಾಯನ ದೊಡ್ಡಿಯಲ್ಲಿ ವೀರಪ್ಪನ್ ಇಂದ ತೊಂದರೆಗೆ ಒಲಪಟ್ಟ ಗಿರಿಜನರಿಗಾಗಿ ಕಟ್ಟೀಸಿರುವ ಸರ್ಕಾರಿ ಶಾಲ ಮಕ್ಕಳಿಗೆ ಪುಸ್ತಕ,ಬೆನ್ಚು,ಇತ್ಯಾದಿಕೆಲಸಗಳಿಗೆ ಉಪಯೊಗಿಸಲಾಗುವುದು.
೧೦:೩೦ ಕ್ಕೆ ಸಿನಿಮಾ ಶುರುವಾಯಿತು.ಸಿನಿಮಾ ಬಹಳಾ ಚೆನ್ನಾಗಿ ಮೂಡಿ ಬಂದಿದೆ.ಮಧ್ಯಂತರ ಬಂದಾಗ ಚಹಾ ಹಾಗು ಬಿಸ್ಕೆಟ್ ಇತ್ತು.ನನ್ನ ಅಕ್ಕ ಪಾಪ್‌ಕಾರ್ನ್ ಬೇಕೆಂದು ಹೇಳಿದಳು.ಸರಿ ಜಾಸ್ತಿ ಹಣವನ್ನೇ ತೆತ್ತು(೫೦/- ಅಬ್ಬಾ ಒಂದು ದಿನಆರಮವಾಗಿ ಹೊಟ್ಟೆ ತುಂಬಿಸಿಕೊಳ್ಳಬಹುದಿತ್ತು!!) ದೊಡ್ಡ ಪಾಪ್‌ಕಾರ್ನ್ ಅನ್ನೇ ತೆಗೆದುಕೊಂಡು ಹಿಂದಿರುಗಿದೆವು.ಸಿನಿಮಾ ಮತ್ತೆ ಶುರುವಾಗುವುದಕ್ಕು ಮುಂಚೆ ಒಂದು ಚಿಕ್ಕ ಪ್ರಶ್ನೊತರ ಇತ್ತು. ಬಹಳ ಮಜಾ ಬಂತು.ಮೊದಲ ಪ್ರಶ್ನೆಗೆ ನನ್ನ ಅಕ್ಕಳೇ ಕೈ ಎತ್ತಿದಳು;ಚಾನ್ಸ್ ಸಹ ಸಿಕ್ಕಿತು.ಸರಿಯಾಗಿ ಉತ್ತರಿಸಿದ ನಂತರ ಒಂದು ದೊಡ್ಡ ಬಕೆಟ್(ನಾವು ಕೊಂಡ ನಾಲ್ಕರಷ್ಟು)ಪಾಪ್‌ಕಾರ್ನ್ ಉಡುಗೊರೆಯಾಗಿ ದೊರೆಯಿತು.ಇವಾಗ ನನಗೆ ನಮ್ಮ ಸ್ಥಿತಿನೊಡಿ ನಗಬೇಕೊ , ಅಳಬೇಕೊ ಗೊತ್ತಾಗಲಿಲ್ಲ!!!ಸಿನಿಮಾ ೧:೩೦ ಕ್ಕೆ ಮುಗಿಯಿತು.ಎಲ್ಲೂ ಆಕಲಿಸಲಿಲ್ಲ.ಚೆನ್ನಾಗಿ ನಕ್ಕಿದೆವು.ಪ್ರೀತಿ ಪ್ರೇಮ ಅಂಥ ಜಂಜಾಟವಿಲ್ಲ.ಕೊನೆಗೂ ನಗು ನಗುತ್ತಾ ಸಿನಿಮಾ ತಿಯೇಟರ್ ಇಂದ ಹೊರಬಂದೆವು.ಅವಿರತ ಗ್ರೂಪಿಂದ ಹಿಂದೆ ಬೇರು, ನಾಯಿ ನೆರಳು ನೂಡಿದ್ದೆ.ಇವತ್ತು #೭೩ ಶಾಂತಿ ನಿವಾಸ.ಹೀಗೆ ಒಳೊಳ್ಳೆಯ ಸಿನಿಮಾಗಳನ್ನು ಪ್ರದರ್ಶಿಸಲಿ ಎಂದು ಆಶಿಸುವೆ.ಮನೆಗೆ ಆ ಚಳಿಯಲ್ಲಿ ರಾತ್ರಿ ಬಂದಾಗ ೨:೩೦. ಆ ಆ ಆ ಅ ಮ್ ಮ್ ಮೈ ನಡುಗುತಿತ್ತು.ನನ್ನ ಅದೃಷ್ಟ ಮರುದಿನ ಭಾನುವಾರ.ಎದ್ದಾಗ ೧೦:೦೦ !!!
ಒಟ್ಟಿನಲ್ಲಿ ೩೦೦/- ಕೊಟ್ಟು ಹೊಗಿದಕ್ಕು ಸಾರ್ಥಕ. ರೋಟರಿಯವರ ಉದ್ದೇಶ ಒಳ್ಳೇದು, ಅದರಲ್ಲಿ ನಮ್ಮದೂ ಕಿರು ಕಾಣಿಕೆ.